احساس العطا 341 ياللي تعلمني الصواب وماتشوف الا الخطا ترى الخطا انك تحصر الرؤيا علي من زاويه حاول تدّور وش في اعماقي من احساس العطا تلقاك جبت العيد قبل تقول نفسه غاويه يعني تغيب سنين وتجيني بعد كل البطا تدّور اخطائي وكبدي من طعونك راويه بقولك وقف هنا..ماحن ترى ناس اعبطا مهما تطيرها تراها في عيوني هاويه مانيب قايلك تراني من على السرج امتطا دام الخيول السابقه في نظرتي متساويه لكن بقول إسأل وتلقى ماني من أهل الوطا واذا بغيت المعرفه مشري العقول الخاويه الحر لولا مخٰٰلبه ماخافه اسراب القطا والادمي لولا الامل ماله عزوم(ن) ناويه ف ان شفت عذب الحرف من فكري على الساحه شطا راقب من اللي عاد رجله في حضوري قاريه النجم يبدي بس نور البدر لاشرّف سطا يعني اتحدا لو معه شفت الكواكب ضاويه
ملحمة نجران