معاجز الشاعر 574 مافيه احد نفسه رخيصه واذا كان لقيت مرخصة النفوس إعتزلها ترى شموخ النفس من قو الايمان ومن هَمه العليا عرف درب آهلها العز موقف والرجاجيل برهاااااان واهل الكرامه ما ندور بدلهااااااااا نعرف مقام فلان ونميز فلان وماحن مثل بعض الرجاجيل بلهى اللي تسرحها بلا سرج وعنان وتضوي بها قد البلا منتولها ي اصحابنا الغالين مهما الزمن شان وجيهنا بنموت ما نبتذلها من صان وجهه لا تقولون وش صان صان المروه يوم غيره خذلها معاجز محمد نبوه وقرآن وان جادل الجُهّال يحسن جدلها ومعاجز الشاعر على كبر الاحزان صُنع الامل بنفوس من مات آملها الناس في الدنيا لها اشكال والوان وماكل من يطمع بحاجه وصلها والمال لو خلا لكل اجرب لسان وكبرت به نفوس الردى من جهلها المال مايوهب قصير المدى شان لا حذّفت روس النشاما عقلها واللي شكوا الدنيا وجفوات الاوطان والناس وظروف الحياه ومللها قل اعملوا للمجد،، سيره وعنوان يرى الله اصحاب اليقين وعملها الطيب من يدمن على الجزله ادمان وان ثقلت حمول الليالي حملها والمجد من يضحك مثل ضحكي الان وعينه على حد البكا من زعلها ماتستوي الدنيا على اي ميزان ومهما تعدلها ظهر لك خللها فاما ادفع سنينك لغاياتك اثمان والا ارقد وخل المراجل لأهلها
ملحمة نجران