يا الله ياللي فوقنا يرفع الرايات

 يامالك الدنيا وعالم غوابيها

‏‎إغفر ذنوب العبد لي جاه لجل ومات

 لما قلط في حفرةٍ ما أسعوا فيها

‏‎في ليل ثالث والمحاسب يقول إثبات

 ينشده من مقدم حياته وتاليها

‏‎وأنا من قليل الشبر يظهر علي حرات

وأنا كاره رد العثارة لراعيها

‏‎وحلى من قليل الشبر ربع لهم ناهات

‏‎ ربعٍ نشاما يرفع الرأس طاريها

‏‎لا بينهم حسد ولا بينهم نمات

‏‎ولا هي تمالى بالردى عند عانيها

‏‎وحلى من الشبوك الغبر في منزل ثبات

 في ريدةٍ بيضاء قد السيل جاليها

‏‎ومجلس نشاما فيه من الضحك والسجات

 ودلال بّنٍ ما محقها مقهويها

‏‎واحلى من النيدو حليب من الخلفات

 ترازم لما أنها وايقت صوب راعيها

لما اوجهت من وادي زم النبات

من عقب سيله راشدات ٍ مراعيها

‏‎لما أوجهت للضيف والغران بالكاسات

‏‎وقصير النشاما عاد له واجب فيها

ذكرانها تجلب وتقضى بها العازات

وماهي غزير ما أشقبوا للثمن فيها

‏‎ولا دخلوها الشبك يعطونها اللفات

 وتبن المزارع ماعطوها يدانيها

‏‎ولا قربوها الونش وتشل في المورات

ولا كل يوم والمحرج يباريها

‏‎يتكبس فحلها كنه شيخ مع ضولات

‏‎ لما ألتفت العربان يخلص دعاويها

‏‎يفصل بفصل الحق فصلٍ عليه إثبات

 ولا راق عينه للمعثر يماليها

‏‎ولا دار للبخشيش ولا باللفات

 ودعوى الردي ماينتظر عند راعي