تغلغل بالفصيح الأعجمي بالقلب روز وشب

شعورٍ عود واستسلمت له من دون شرط وقيد

لأنك يابشير الفجر عندي بالجمال التب

عطاك الله قوام وخد ورموش وعيون وجيد

لهذا ودي اشرح لك معاناة الخفوق الصب

مع طاريك كنها تنهش اطرافه ذياب قديد

حركاتك ولمساتك ومنطوقك تخلب اللب

محياك الوسيم اذوب قدامه لو اني حيد

اشوفك في تقاسيم البيانو والكتب والطب

وفي كل الورود وعطرك الشانيل بالتحديد

خفوقي يشعفه صوت الربابه والهوا لي هب

تمادى في جنونه لين جاب العيد قبل العيد

تبي تدري عن القلب المشقوى من هو اللي حب ؟

شما هستيد، اجل واعود اكررها شما هستيد