من خذا عمر بالدنيا شبع من نكدها

لو رصيده ورا المليار بيِن وخافي

والدراهم كبد واجهاد للي عبدها

من لقى العافية لو يسري الليل حافي

الدراهم ماتسعد كل رجلٍ نقدها

كم نعيمٍ تحيط ابه العلل والنوافي

والامن لو يغيب غيابه امر وادها

والا الامراض خصة والله اللي يشافي

مايثمن عطا الصحة سوى اللي فقدها

كم ورا الاقنعة من ثالثات الاثافي

عالماً تحضر الغبقات ماتمد يدها

ماتذوق الولايم والمعزب سنافي

حتى ببيوتها الاصناف يكثر عددها

وتهجر المادبة والأكل طيب ودافي

بس تمرة مع الفنجال الأول بعدها

ملعقة شوربة يالله لك الحمد كافي

غيرنا من تضاريس الدهر ماوجدها

وان وجدها لديه الجو ماهوب صافي

الفريضة مع القوت البسيط نعقدها

القمر دين مايتلاه شيٍ اضافي

ابتسم لليالي لو تعاني جلدها

احتسب فاللبيب من القدر مايخافي

ماعلى الناس لو بالاكل يكثر زهدها

في بلاد المكارم ماعلينا خلافي

رغم كل الظروف الرابح اللي شهدها

الليالي هذي خيرٍ على الكون ضافي

والاوادم بشهر الصوم يكثر سعدها

والبخيت البخيت اللي مع الفرض وافي