هيه يالمعطف الكحلي هواي جهني

والهوى للقلوب اصدق حفيظة نفوس

جذوة الشوق بجنون الغلا تعتني

والغلا لاركد موج البحر هب كوس

ودي اقول تكفى سرني واسرني

بس دونك علومٍ مثل حرب البسوس

التجاذب خليجي واللباس ارمني

اجتمع فيك ثنتين الفرح والعبوس

الحقيبة ثمل سلسالها المعدني

ليتني دوم داخلها واعيش محبوس

خلني حول حاجاتك فقير غني

واعتبرني زجاجة عطر والافلوس

ياحسين اللمى جوّك حناني حني

فكَ الاقواس والا اجعل ورا القوس قوس