أبيات كتبتها في مناسبة عائلية بهيجة

خاصة .. أترككم مع الأبيات :

وادي العرض عينه للمكارم تلدي ( ١ )

حطّ عينه على اسواقه وقلعة رعومه ( ٢ )

المحطات هذي ريحها ريح ندي

من يلوم الخفوق بحبها من يلومه

مجد حقبة سنينٍ سيفها مايصدي

مجد ذاك الزمان اللي تقافوا قرومه

ابن شلة لو انه فـ البلى مايردي ( ٣ )

فعله الفذ معنا كل يومٍ بيومه

فعله اللي ظهر بين الملا يستجدي

من شرورة ليا بيشة وبيش وتنومة

واخو رزنة ليا خز الكواسر تهدي ( ٤ )

لاسمع صوته الصايل يعيف الخصومة

بنتنا درةٍ من زينها وايش ابدي

ذات خدٍ وجد معربة ومعصومة

تدحم الماجدات أن عودت للتحدي

كل ماقلت فيها بيناتٍ رسومه

علم جدانها جاله مراح ومردي

كلهم والضواري هاجدة ومخزومة

خالها مثل ابوها كلهم صلب جدي

اسرة واحدة بالشلتين مختومة

جد ابو ها علومه بالمجالس تعدي

وامها بنت شيخٍ بيناتٍ علومه ( ٥ )

للمحابيس عون وبالعساري يغدي

والمشاكل الا جت في وطاه محسومة

جعله الحِلّ يوم ان الليالي تضدي

كان له دور عند المجتمع والحكومة

والسطر لابغا ساقٍ متيعٍ يودي

مر ميدان اخو قذلة يقوي عزومة

فعل فارس على مر العصور متعدي

لي ورد حوضه التاريخ يقضي لزومه

يقصر المدح والاف النعم ماتسدي

سيرة الفذ تبقى شامخة ومحشومة

——-

( ١ ) وادي العرض : نجران

( ٢ ) رعوم جبل في غربي نجران

( ٣ ) ابن شلة : جدي الشيخ / فارس بن حمير بن شلة

( ٤ ) أخو رزنة : جدي الشيخ / محيريق بن ناصر

( ٥ ) المقصود : والدي الشيخ / حمدان بن محيريق

( ٦ ) أخو قذلة ايضاً : الشيخ الفارس/ فارس بن شلة