المـــشنقة 266 ثقافة الفكر صوت العقل للفيلسوف في حين تعرف وعي الانسان من منطقه ومابين جهل الحروف وبين وعي الحروف أفكار متجمعه وأفكار متفرقه مبطي وانا اصنف الايام كتلة ظروف والناس تحسبني أفك الجمل والحقه ما تدري انه شعور انسان عانا الصدوف بغياب حريته وارائه المطلقه يا دورة الوقت والدنيا محطات خوف وسنينها مورقه واحلامها مورقه في كل لحظة ندم وبكل لحظة عزوف اجمع قوى طاقتي وتموت في المشنقه وانتي ياتاريخ أمة من إبا من سيوف من صفحة ٍبأبلغ أمجاد العصر مشرقه أي الحزن أكبر من احزان قُصر الكفوف وإن الزمن ما يثمن للشجاع عرقه يوم القدر صلف ورياح الليالي تلوف أمسيت روح ٍ من أعباء الدهر مرهقه واحترت في خطوتي بين المضي والنكوف إلين بنتي صباح ٍ والمسا طوقه قلت اسعد الله سويعات الامل بالدفوف والحب من خطوة أقدامه إلى مفرقه إيه أرحبي مثل ترحيب الشهم بالضيوف عن واقع ٍ بين سندان وألم مطرقه خلني اقول لأسباب التعاسه ذلوف واضم صدرك واشمه ورد وأستنشقه ياكوكب في رحاب الفُلك يمسي يطوف وقلوب كل الامم في ضية معلقه الايام ما في تقلبها المفاجأ عروف وأنا كثر ما سعد بك خاطري ما اضيقه يوم وقفوا دونك العُذال بأبشع وقوف وانا بعدني احاول للعذاب اعتقه أضحيت مثل الكتاب اللي حبيس الرفوف ما حد عرف قيمة أفكاره ولا شققه أزجر من أنفاس صدري كل طعنة بأوووف واكوم الحزن في عيني أسى وافهقه فياليت للبُعد قلب ٍ كان يمكن يروف وياليت وصل النواعس رقم واحققه اخذو عيوني بعد فرقاه ما ابغى اشوف الوقت ظالم وعادات البشر مقلقه كذا انخلقنا على فرقا الأحبه صفوف وان صاح مضهود مدري من حمل بندقه
ملحمة نجران