طيور الخضيرا ما بوجه السنيـن إنصـاف

ولا فـي بشـوت القـوم مـن يصـدق القـومـه

هـوىٍ مـن شمـال الـدار ماحـرك الغريـاف

تحريـت غيثـه وأخطـت الضـامـي وسـومـه

ماعاد الشرف تالي الزمن حـق للأشـراف

ولاعـــاد نـبــل الــذات بــارق وديـمـومــه

تبجـحـت يـاوجـه الـزلـل والسنـيـن عـجـاف

ماترضـي الكريـم الا الى من دنـى يـومـه

متاهة قـدر تقتـل طمـوح الفتـى المشعـاف

وامـانـي عـزيـزٍ فضـهـا الـوقت بسـهـومـه

هـو الدهـر عـز.. وذل.. اّتي..وعمـرن طــاف

هـــو الـوقــت يـــا اّمــــن تـقـلابــه وزومــــه

تأمـل وشـف مـالا حـدٍ فـي حياتـه شــاف

يكـم فـيـه مــن ظـالـم يكــم فـيـه مظـلـومـه

يارجلي مالومش لو خذيتي علـى المشـراف

عـدا اللـوم راسٍ متنـه أقسـى مـن همـومـه

عفينا عن جروحٍ دمت مـن تحـت الأنجـاف

تـلــف الـفــؤاد بـصــادق الـهــم وتـسـومــه

وياحزن الليالي وإن حملتـك علـى الأكتـاف

أنـــا مــؤمــن بــربــي وقــانــع بمـقـسـومـه

نثرت القلق وأيقنت بــ ان ماعلي خلاف

لو إن أضلعي من سافي الغيض مردومه

قريـشٍ قبـل طـه ماكـانـوا جمـيـع أحـنـاف

ولـكــن نـبــي الله نـفـى الـشــرك وعـلـومـه

وأنـا أسلمـت بـه وأنكـرت ماجابـه العـراف

وعـفـيـّت عن دنـيــاً بـــلا شـك مـهـدومـه

صلاةٍ على روحه مانسنس هوى الأرياف

وسلامٍ على دينه ووجهه ومنظومه

تبعته وقلت الدر واللول والاصداف

لمن عاد نفسه…… بالملذات مغرومه

وداع التلف ياغي الاحلام والإجحاف

خذيتي مايكفي وارحلي اليوم….مهزومه