كل ما مرّ طاري للزمان الجميل

قلت سقوى على عيني هذيك السنين

—-

اتوقف وانا بالدرب عابر سبيل

ضاع ذاك التعامد واصبح الصاد سين

ارصد الذكريات ورجعها مستحيل

وارهَق النفس يامشكاي كثر الحنين

ارقب الصبح والتذكار ليله طويل

صرت انا وين وايام المحبين وين

لو تشوفون بعض آهات شعري هديل

في ضميري مية لوعة وشوق دفين

لوعةٍ من سببها كل عينٍ تسيل

ودي اكنها لكن باح الكنين

اتوجد على نفحات جوٍ عليل

فيه جو المحبة زين والرمس زين

الوفا في هذاك الوقت ماله مثيل

كان حبل المودة والتواصل متين

في محيط الذرابة والشعور النبيل

كنا نسمر على السينار والكيروسين

كل ماهبت الذكرى غصوني تميل

ليتني عشت ذيك المرحلة مرتين

لاتقولون شكل الدايرة مستطيل

لاتقولونه القلب المشقوى ذهين

مدري الدّ يم الجدي والاسهيل

صار شوقي مثل شوق الشجر للغشين

كل ما مر طاري للزمان الجميل

قلت سقوى على عيني هذيك السنين