أساور من الفضه 623 أنا العاشق اللي كل همٍ يحايله وأنا المغرم اللي حب في الغيد هايله هنوفٍ يبات الليل بضفاف رمشها وتخشع لفزة نحرها كل صايله أساور من الفضه وعقدٍ من الذهب وشمسٍ سناها يوري الشمس قايله خذتني وتاهت بي من الغي والترف وهامت بقلبي لين ضيّع دلايله ولا قلت يا قلبي الى وين متجه ولا قلت ياروحي على ويش سايله توسمتها عشقٍ من الحزن لي ذرى وسلوى الفؤاد اللي تعب من جمايله ولا مر في بالي مع دورة الزمن يجي يوم والقاها عن العهد مايله وجودي من الفرقا وجودٍ يتلني إذا لاق عيوني من الذود حايله وطرت لي وزاد الشوق ثم جيت منزلٍ جمعني بها والنو ينثر همايله واذا بالغراب يحوم والريح عاصفه والاطلال دُراسٍ والأغصان دايله يقولون لا تنثر همومك على الورى الأحزان مهما طوّل الوقت زايله وانا اقول كيف اسلى من الحزن وأنتهي اذا حُبها من خلف الأضلاع شايله هو العشق ياللي ما تعرفون منطقه كما السحر في الانسان يعمل عمايله سقى الله مدهلها ودارٍ تضمها ماتمسي لها روحي من الشوق عايله وكثر ما ارتجي عقب المفارق وصالها واقاسي جفاها واتجرع هوايله هي الحب وان صدت هي الحب وان بقت ولو طوّل الوسمي ماهلت مخايله عشقها الفؤاد وطاهر القلب لا عشق على العهد يبقى لين تدفن نحايله
ملحمة نجران