لاتربط الدين واللادين بالمحراب والطار

دينك ودنياك مربوطة بخطٍ مستقيمي

الأقدمية هنا للدين ديدن كل الاخيار

الخير بالدين كل الخير يالرجل الفهيمي

عوّد لسانك على القران واستانس بالاذكار

نفحات الاذكار مفتاح السعادة والنعيمي

كما ان دنياك تحتاج العمار وشبّت النار

انته عليها على ماقيل رحالٍ مقيمي

والرابح اللي هداه الله وقام بكل الادوار

بالاستقامة يلجم كل شيطانٍ رجيمي

اللي جعل نصب عينه شربة الكوثر والابرار

سبحان من كونه من طين وعظامٍ رميمي

هذا مسارٍ تعودنا عليه صغار وكبار

نمشي مع خطنا المرسوم في جوٍ حميمي

في جنة الخلد للمسلم مروجٍ خضر وانهار

جميع ماقدّمه يلقاه في يومٍ عظيمي